Guolledoalloguovllut ja daid barggut
Ođđa guolástanláhka bođii fápmui 1.1.2016. Dan mielde hábmejuvvojedje guolledoalloguovllut, mat álggahedje doaimmaideaset jagi 2019 álggus. Lága mielde guolledoalloguovlu hápmašuvvá guolledoalu dáfus doarvái stuorra oktilaš guovllus.
Gii mearrida?
Guolledoalloguovllu mearridanválddi geavaha oktasaščoahkkin. Vuoigatvuohta čoahkkinovddasteaddjái lea osolašgottiin, osolašgottiide gulakeahtes doarvái stuorra čáhceguovlluid oamasteaddjiin ja riikkaviidosaš guolástansruoggi organisašuvnnain.
Registrerejuvvon guvllolaš biras- dahje luonddusuodjalanorganisašuvnnain ja Lappis sámiid ruovttuguovllus Sámedikkis lea oktasaščoahkkimis vuoigatvuohta ovddasteaddjái, geas lea čoahkkimis mieldeorrun- ja hállanvuoigatvuohta, muhto ii jienastanvuoigatvuohta. Dasa lassin guolledoalloguovllus lea vuoigatvuohta bovdet oktasaščoahkkimii áššedovdiid, geain lea čoahkkimis mieldeorrun- ja hállanvuoigatvuohta.
