Mii lea oktasaš čáhceguovlu ja gii lea oktasaš guovllu osolaš?
Oktasaš čáhceguovllut leat oktasaččat dahje gullet dušše ovtta giddodahkii. Oktasaš guovlu mearkkaša giddodatregistarii merkejuvvon ovttadaga, mii gullá oktasaččat guovtti dahje máŋgga giddodahkii osiiguin, mat mearrašuvvet dihto vuođustusa mielde.
Doaluid osiid sturrodagat leat nannejuvvon stuorrajuogus ja maŋŋelabbos dollui guoski giddodatdoaimmahusain. Oktasaš čáhceguovllu osolaččat leat dat olbmot, geat oamastit giddodaga, mas lea oassi oktasaš guvlui.
Mii lea osolašgoddi?
Oktasašguovlolága 3 § vuođul oktasaš guovllu osolaččat leat osolašgoddi. Osolašgoddái ii sáhte searvat, muhto baicca osolašgotti lahttun beassá, go olmmoš oažžu iežas oamastussii giddodaga, mas lea oassi oktasaš guvlui. Osolašgoddi lea álo leahkimin njuolga lága vuođul.
Osolašgoddi, mas leat nannejuvvon njuolggadusat, lea ortniiduvvan osolašgoddi. Maiddái ortniiduvakeahtes osolašgoddi lea goittotge álo leahkimin ja dat lea oktasašguovlolága mielde vuoigatvuođagelbbolaš. Oktasašguovloláhka ii eaktut osolašgotti ortniiduvvat, muhto baicca osolaččat sáhttet doaibmat maid ortniiduvakeahttá. Ávžžuhuvvo goittotge, ahte osolašgottit, main leat njuolggadusvuloš doaibman, ortniiduvvet ja dohkkehit alcceseaset njuolggadusaid.
Osolašgoddi lea iehčanas vuoigatvuođagelbbolaš, gii iežas namain guoddá ja vástida oktasaš guovllu vuoigatvuođaáššiin. Osolašgoddi sáhttá maid oažžut iežas nammii vuoigatvuođaid ja dahkat čatnasumiid oktasaš guvlui guoski áššiin.
Háliidatgo váikkuhit?
Juos oamastat giddodaga, mas lea oassi oktasaš čáhceguvlui ja leat beroštuvvan osolašgoddedoaimmas, de skáhppo rávagirjjáža “Oktasaš guollečázi osolašgoddi”. Dat lea vuogas vuohki boahtit mielde osolašgottiid doaibmamii. Oahpásmuva Guolledoalu Guovddášlihtu buvttavuovdimii dás dahje váldde oktavuođa doaibmajođiheaddji Anna-Leena Inkeröi telefovnnain 040 5500 527 dahje šleađgapoasttain anna-leena.inkero@lappikk.fi.